Samsung ka publikuar smartfonin e saj të palosshëm

Samsung ka njoftuar smartfonin e saj të palosshëm prej disa javësh dhe tani kompania e ka publikuar atë për herë të parë dje 7 nëntor 2018. Samsung e quan teknologjinë e tij të telefonit të palosshëm, Infinity Flex Display, dhe vetë telefoni ka një ekran me madhësi tableti.

Samsung ka demonstruar një pajisje "të maskuar" gjatë konferencës të saj dje 7 nëntor 2018 dhe ka zbehur dritat për të mbrojtur elementët e dizajnit. "Ka një pajisje brenda këtu," tha Justin Denison, SVP i marketingut të produkteve të lëvizshme. "Dhe kjo është mahnitëse."

Denison më pas tregoi një pajisje që u shëndërua në një tablet. Pajisja ka një ekran të mbuluar që vepron si një telefon dhe një ekran kryesor tableti prej 7.3 inç.

Google gjithashtu po mbështet zyrtarisht këto pajisje të reja të palosshme me Android dhe po punon ngushtë me Samsung për lançimin e këtij telefoni vitin e ardhshëm. Google po siguron udhëzime për zhvilluesit që të fillojnë përdorimin e veçorive ekzistuese që janë ndërtuar në Android për të mbështetur këto paisje të palosshme.

Samsung nuk është krijuesi i vetëm i telefonave që punon si pajisje të palosshme. Huawei thuhet se planifikon të lëshojë një celularë të palosshëm vitin e ardhshëm. Lenovo dhe Xiaomi gjithashtu kanë filluar të njoftojn prototipat e tyre dhe LG po punon gjithashtu në ekranet fleksibël të OLED dhe TV që rrokulliset në një kuti .

www.eklips.al